وبيته
بنص گلبي لگعد حُبك وبيته ........ أخلي
وبمرض فرگاك گَلبي وبيته ......... مرضته
گلبي يعتبرك موطنه وناسه وبيته ........ البيت
والي يظل بلا وطن كل عمره أذيه
وراها
رخه گلبك عليه وراها ....... راهي
وأنه الميت لو ألـﭽـح عيونك وراها .... أشوفهه
روحك وين ماتروح روحي وراها ....... خلفها
حس بيه يكفي صدك عليه
وشفاك
تگلي من حُبي فكيتك وشفاك ......... شفكيت
أنعليت منك ويمك دواي وشفاك ........ الشفاء
وصفتي آخذ بوسه من الخدين وشفاك ....... الشفه
ومن آخذ الوصفه يشفه كل مرض بيه
وسنك
مايهمني نبعك الراهي وسنك ........ عمرك
ولاتكشرلي بنيابك وسنك ........... السن
رمح سواك عاذل وسنك ......... سنترك
على گلبي ونبتك بيه
ﭽــانت أشواگي وياك جد ماظنيت وديه .... عاديه
وأدفعت لعيونك حياتي وعيوني وديه ..... الديه
وردت أحظنك بلهفه بروحي وديه ...... الأيد
ومن مديت أيديه ماردن ........ رجعن
وحرت ليش ماأجن وجواب ماردن ....... جابن
وأتضح شافن منك الويل وماردن ....... قاومن
وإنك بصدك گطعت كَلبي ويده
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
حبك ربطني وعمره منحل
مثل اللغزحاولت احله منحل
نحله واذبلك عسل من غير منحل
يلي انت احلى من العسل والسمسميه
ــــــــــــــــــــــــــــــــــــــــــــ
ليالي العشك لاحن ولاجن
لولاك العكل ماطاير ولاجن
حبيبي لابشر انت ولا جن
لان ما حملتك هاي الوطيه
ــــــــــــــــــــــــــــــــــــــــــ
ذبل هرش الكلب لجلك وخاوه
وطمع ماردت منكم وخاوه
الفخر مو للعاشر وخاوه
الفخر والطيب لليذكر خوي
ـــــــــــــــــــــــــــــــــــــــــــــــــــــــــــــــ
مشن حلوات من يمي ..ولاجن
عقل بالراس ماضلي...ولاجن
جمال الماكدر بنيادم..ولا جن
يوصف حالي من يمر علية
ـــــــــــــــــــــــــــــــــ
الك يسمر اكولًًٍَُِ شعر وكصد
جميل العين وحمر الشفات اكصد
على دروبك اروح انتظر واكصد
وتاني شوكت يمر طيفك علية
ـــــــــــــــــــــــــــــــــــــــــ
مرسـال حبي راح لگلبـك وتـلالــه
نجم شوگـــي بان بسمـاك وتـلالـه
لجل شوفتك تسلق جبال الله وتلالــه
واقدملك الــروح احله واعز هديه
ــــــــــــــــــــــــــــــــــــــــ
صار سنين عن عشكي مسائل
ودمعي من نزل عنك مسائل
حبك موكتابه وحل مسائل
حبك بالدراسه الجامعيه
ـــــــــــــــــــــــــــــــــــــــــــــــــ
احبـــك حب مــاينــوصف وصفه
وحبي الــك مثل الــذهب
وصفه مريض اني ودكتوري وصفلي وصفه
اخدودك الشفايف صيدلـيه
ــــــــــــــــــــــــــــــــــــــــــــــــــ
احبك مااحب عل الارض سواك
سبحان الذي من طين سـواك
بشر لاكنه وي الكمر سـواك
واحد فوك واحد بين اديـه
ـــــــــــــــــــــــــــــــــــــــــــــــــ
سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك علي
ــــــــــــــــــــــــــــــــــــــــــــــــــــــــ
الدهر بوري ويصب هموم كاكه
صرت طوبه وحدر رجلين كاكه
لايك من اصيح عليك كاكه
لانك موش شمرة ناصريه
 |
Diese Webseite wurde kostenlos mit Homepage-Baukasten.de erstellt. Willst du auch eine eigene Webseite?
